ANERI AGURRA

 Aneren azken egunean merienda ederra egin genuen. Ta primeran pasa genuen, 1. mailatik hasi eta 4 . mailara arteko ikasle guztiok.
ESKERRIK ASKO ANE!

MERMELADAK EGITEN

Larunbateko azokan saltzen jartzeko asmotan, mermeladak egin ditugu.
Asteazkenean azokara joan ginen. Bertan 3 kg. albertxiko eta beste 3 kg. sagar erosi genituen. Horretaz gain, Mauxetik 3 kg.azukre, limoiak  eta kanela zotz bat ere erosi ditugu.
Hurrengo egunean, sozidade zaharrean mermeladak egin ditugu Joanen gurasoen laguntzarekin.
Goizean fruta garbitu eta pusketetan jarri dugu, azukrearekin eta limoiarekin nahastuta. Arratsaldean sutan  berotu ondoren, pasapuresean pasa eta poteetan sartu dugu. Bukatzeko," baño marian" egosi ditugu mermeladak, iraupena luzatzeko.
Eskerrik asko Miriam eta Asier zuen sozidadea uzteagatik!

GORPUTZ GEOMETRIKOAK

Aste honetan gorputz geometrikoak sortu ditugu gelan pajitak eta plastilina erabilita.Horretarako luzera bat, altuera bat eta zabalera bat eman diegu gorputzei.
Sortutako irudiei izena ere jarri diegu. Hemen emaitza.Ea gustatzen zaizuen.

GEOMETRIA TXOTXEKIN

Gaur gelan matematikako liburuko geometria problemak egiten ibili gara txotxekin. Buruari eragin behar izan diogu eta denon artean aurkitu ditugu soluzioak.
Hemen dituzue Aiorak atera dituen argazki batzuk.

                                           (Argazki gehiago ikusteko egin klik hemen)

SIMETRIAK LANTZEN

Aste honetan matematika saioan simetriak landu ditugu.Horretarako, binaka jarri gara eta regletak erabili ditugu irudi simetrikoak sortzeko. Egurrezko makiltxoekin ere simetria ardatzak landu ditugu. Ea gustatzen zaizuen!

(argazki gehiago ikusteko egin klik hemen)

Azokarako eskulanak prestatzen

Ekainean, lehenengo larunbatean urtero bezala azoka izango dugu.

Azokarako hainbat eskulan egiten ari gara, egunean bertan saltzen egongo direnak.

- Maskarak
- Brotxeak
- Apaingarriak
- Karterak
- ...

Animatu gure eskulanak ikustera!

Antzerki eguna

Antzerkirako prest gaude !

Antzezlanak primeran irten dira. Bai gurasoek, irakasleek eta baita beste haurrek ere primeran pasa dute gure antzerkiekin.

Egun zoragarria izan da eta lan bikaina egin duzue.

Zorionak guztioi !!

Antzerkirako prestatzen

Antzerki eguna iritsi da!

Antzezlanak jendearen aurrean egin aurretik, entseguetan ibili gara.

Urduritasunak, gogoak ... denak prest gaude antzezpenak egiteko!

Animo!

Antzerkirako ormairudiak

Antzerki eguna iristear dago eta ormairudi ezberdinak sortzen hasi gara. Ormairudietako bat oesteko gaiarekin loturik joango da eta bestea aldiz, eskolarekin.

Lan izugarria egiten ari dira ikasleak!

Gaitzak eta izurriteak

Gure baratzan zorria azaldu zaigunez, gaitz eta izurrite batzuk aztertzen hasi gara. Eta aste honetan, azeri buztana eta asun-ura erabili ditugu hau ekiditeko.

 

Matematika manipulatiboa (zuzenak eta angeluak)

Aste honetan, bi gelak elkarturik zuzenak marrazten aritu gara taldeka eta ondoren, sortutako angeluak neurtu ditugu graduatzailearekin.

LH3 ETA 4. MAILAKO ERAKUSKETA

Hemen dauzkazue etortzeko aukerarik izan ez zenutenentzako gure erakusketako argazki batzuk. ESKERRIK ASKO PARTE HARTU ZENUTEN GUZTIEI!

Limoia eta esnea

Lander eta Noor-ek jakin nahi zuten zer gertatzen zen limoia eta esnea nahastean.

Esnea edalontzi batera bota dute eta ondoren limoi zukua esnera.
Nahasketa 24orduz utzi dugu, zer gertatzen den ikusteko.
24ordu pasa ondoren, ikusi dugu limoiak esnea moztu egiten duela.

haize errotak egiten

Materia eta Energia proiektuarekin loturik, plastikan taldeka Haize Errota mota ezberdinak egiten ari gara.

Baratzara bisita

Atzo Danelek baratzan landatzeko letxuga bat erosi zuen eta gaur  Amaia, Danel, Markel, Oñatz, Eneko eta  Maialen joan gara baratzara letxuga
landatzera.

Letxuga  landatzen ari ginela Markelek eta Oñatzek argazkia atera digute.
Baratzan baditugu beste landare lagungarri batzuk ere: kalendula,...

arrautza frejitua

Plater zakon batera alkohola bota dugu eta ondoren arrautza gordinik. Arrautzaren gainean alkohol gehiago bota dugu eta bertan 2 orduz utzi dugu.

Bi ordu igaro ondoren, arrautza frejitzen amaitu da.

Likidotik solidora

Masaren egoera ezberdinak ikusi nahi izan ditugu. Horretarako irina eta uraren nahasketak egin ditugu. Aukera izan dugu ikusteko gero eta irin gehiago, likido egotetik poliki poliki masa batean bihurtzen zela.

Masa horrekin pelotatxoak ere egiteko aukera izan dugu.

Materia eta Energia

Bigarren hiruhilekoa amaitzen doa eta hilabete hauetan egindako lanen aurkezpenekin hasi gara.

Gaurkoan:

  Maialen eta Lander Antzinako makinei buruz azalpenak ematen ibili dira.
  Ihintza eta Haizea berriz, Materialak, haien egoerak eta propietateei buruz.

Matematikan neurrien gaia tokatu zaigu egitea. Liburuko ariketez gain, gelan neurketa desberdinak egin ditugu.

Neurketa horiek paperera pasa ditugu. Denak unitate berean jarri ditugu (cmtan, mmtan...) ondoren grafikoa egiteko.

Azkenik, gure pasiloa neurtu dugu. Bertan metroak berdez, dezimetroak gorriz eta zentimetroak beltzez markatu ditugu.

Taldeka, beste gelako ikasleak gonbidatu ditugu gure lana ikustera.
Zuek ere gonbidatuta zaudete. Animatu gure pasiloa ikustera!

NAHIA PEREZEN DIRU BILDUMA

Nik, Nahia Perezek, mundu guztiko txanpon eta bileteak ekarri ditut eskolara. Nere amaren osabak utzi dizkit eta egia esan, ikaragarrizko bilduma dauka. Asko ibili bait da munduan zehar.

MANUREN AITONAREN DIRUA

Manuren aitona atzerrian ibili zen txalupak konpontzen. Horregatik dauzka leku desberdinetako horrenbeste txanpon eta bilete Manuk. Espainiako pesetak, Frantziako frankoak, Bolibiako pesoak, Italiako lirak, Norbegiako kronak, Alemania eta Afrikako zenbait txanpon ekarri ditu. Guk bereiztu egin ditugu.

Munduko dirua

Joanek Brasil, Inglaterrako eta Uruguayko dirua ekarri du eta Rehanek  Brasileko txanponak. Begiratu eta nongoak diren ikusi ditugu. Baita ere non zeuden kokatuta herrialdeak. Atzo berriz, Marokoko, Estatu Batuetako eta Mexikoko dirua ezagutzeko aukera izan genuen.